~هلآ والله زائر نورتي يآ الغلآ ~


    قصة شطيط في معترك الحياه

    شاطر
    avatar
    اكــــــــ مجنونه ــبر
    الإدارهـ المجنونهـ
    الإدارهـ المجنونهـ

    انثى عدد الرسائل : 1001
    الموقع : Jeddah}..
    مزاجي كتابياً : وآآ فرح‘ـآنه
    بلادي بلادي :
    مزاجي :
    انا :
    نقاط : 134
    تاريخ التسجيل : 18/04/2008

    قصة شطيط في معترك الحياه

    مُساهمة من طرف اكــــــــ مجنونه ــبر في الأحد فبراير 08, 2009 5:51 pm

    مدخــــــــــل:_
    تعرفين ان الحيا دقيقتين
    دقيقه تفلين ودقيقه تعآآآنين<<<<يا شين الفلفسه





    شطيط في معترك الحياه
    شطيط:-Arrow
    مثل نهاية كل سنه دراسية .. سقطت .. وش فيكم مستغربين .. أي نعم .. سقطت .. لكن هالمره السبب موب مني .. السبب من ابوي .. أي نعم .. ابوي .. ابوي اللي هتك نجاحي واتلف مواهبي .. ابوي اللي جرّدني من إنسانيتي واستنزف ذكائي و رجولتي .. ابوي اللي طول عمره يعاملني بمعاملة تصطبغ بصبغة الترهيب والتحقير والتسفيل .. أي نعم .. التسفيل <<< كل تبن .. أي نعم .. كل تبن !!

    رجعت للبيت ادربي راسي بشهادتي المزرية .. والقى ابوي جالس في الحديقه يرمقني بنظرات الحنان الأبوي .. حبيت راسه وارتميت في حضنه مجهشاً في البكاء .. قال لي وهو يطبطب على ظهري: اتز اوكيه ماي صن .. دونت كراااي بليييز !! .. مسحت خشمي بالكرفته حقته ثمن تنهدت قائلاً: أي لوف يوو دااادي .. دونت لييف مي الوون بلييييز !! <<< ماااش .. ودي احسسكم اننا أسره متعاضده ومتحضرة بس خايف اتسبب في زعزعة العلاقات الثنائية بين الشله و الأسرة .. لذلك و درءاً للحروب الأهليه بكون صريح معكم واعيد لكم المشهد اللي راح بكل مصداقية ..

    رجعت للبيت والقى ابوي جالس في الملحق يرمقني بنظرات حارقه والعقال متشبث في يده قائلاً بغضب: طبعاً كالعادة سقطت يا الدبشة .. انا ابي اعرف غباءك ذا طالع على مين .. يعنبوك ربيتك احسن تربية وعلمتك احسن تعليم و لا فاد فيك .. صرفت عليك دم قلبي الليين كبرت وكبر خشمك معك وصرت اصرف عليكم الثنين ولا فاد فيك .. إلى متى بتصير عالّه علي يالدلخ .. إلى متى قل لي ؟؟
    Arrow
    جيت براضيه واحب يديه ما دريت الا وهي ترتفع بالعقال شاهقه ثمن تلزخني على شفايفي العجرمية ..عقبها توالت الضربات الترجيحية على كاهلي و تبعتها كلمات الوالد الطاعنه: ما منك نفع ابد يا الفاشل .. لكن إنشاء الله بكره تجي مرت ابوك تربيك صح يا عديم التربية !! .. قلت له بنبرة الملحوس: أي مرت ابو ؟؟ .. رد علي: مرتي انا يالدبشة .. زواجي إنشاء الله بكره .. و زوجتي بتجي تسكن في هالبيت مع عيالها .. و ياااااويلك لو تضايقهم بكلمة او يشتكون لي منك .. سامع يالدلخ !! .. قلت بصوت مجروح: يبه لو سمحت احترم احساسي المرهف و لا عاد تقول لي دلخ تراني مجموعة إنسان و ازعل بسرعه .. وبعدين بأي حق تتزوج وانت عارف اني رافض فكرة زواجك بعد وفاة أمي !! .. رد علي متخللاً حديثه بضربات العقال المتوالية : شرهك عاللي بياخذ رايك في زواجه يالساقط .. رح خذ شناطك واقضب الباب ولا ابغى اشوف رقعة خشتك في هالبيت الا إذا اقتنعت بعائلتي الجديدة .. سامع يا مجموعة حماار .. يلا اذلف براااااااا !! ..

    طلعت من البيت متورم الشفايف والدموع تنهمر على وجنتي الوردية وذكرى الإضطهاد تطعن قلبي مراراً وتكراراً .. جلست في العراااء أكل فتات خبز وانام على قشر جح .. جلست افكر في وضعي المهني .. افكر في مستقبلي وش بيصير عليه .. افكر بالحل الجذري اللي يرتقي بحياتي للأفضل .. جلست افكر وافكر واضغط على مخي اللييييين لقيت فكرة عقبها اغمى علي و طحت غشيان !!

    قمت الصبح أحاول أتذكر الفكرة ما قدرت لأن مخي كان خارج التغطية <<< كان ولا زال !! ..
    مشيت في الشارع مهدود الحيل .. مكسور الجناح .. ادوّر على حبل النجاة اللي ينتشلني من الضياع .. فجأه تذكرت صديق الرخاء والشقاء .. صديق الدهاء والغباء .. صديق البلاء والوباء ( دغيمان ) .. بعدها على طوول وقفت تاكسي وادز للبطحة .. و حنا في الطريق جلست اسأل السواق عن ارباح التاكسي .. اثر ذا التكاسي يكدون خير وحنا يا غافلين لكم الله .. عيال الذين حتى بعد ما رخص البنزين مازالوا ماسكين على اسعارهم !! ..

    و بعد تمحيص إقتصادي دقيق .. جازت لي شغلة التاكسي و قررت اخوضها من أوسع ابوابها .. بس المشكلة لازم أفكر شلون اجيب فلوس التاكس.. أوووووووعععع <<< صوت كعة الفرامل بعد ما طحت غشيان على كتف السواق !!

    صحيت من الغيبوبة و القى سواق التاكسي جالس يكب على وجهي مويه وعيونه مبققه من الروعه !! .. ناظرت حولي واشوف ذا الهنود يخترشون في الشارع .. قمت احوس على ( دغيمان ) في معمعة العمالة الوافدة والقاه واقف تحت كوبري البطحة و رافع كبوت تاكسي يصلّح فيه!! .. غريبه !! .. من متى عنده هالتاكسي ؟؟ .. شلون جابه ؟؟ .. بس زين اللي لقيت احد عنده خبره في هالمشروع ويقدر يساعدني فيه !! .. جيت عنده وسلمت عليه .. التفت علي لفتة ترحيبية وهو يقول بحرارة: وعليكم الس ... طوووووخ <<< الدبشة مد لي يده بيسلم ونسى انها ماسكه غطا كبوت الكرسيدا !! ..

    حاولت انقذ ما يمكن إنقاذه بس مع الأسف الضربه كانت قوية على راسه اللي صار كنه مطبات شارع النهضة من كثر الصعارير !! ..
    كبيت على وجهه زيت فرامل ما نفع .. سويت له تنفس صناعي و برضو ما نفع .. توطيت في بطنه و ما حولك احد .. حسيت ان اليأس اجتاح عزيمتي وإصراري لكن فجأه تدخل كائن باكستاني ضخم العظام وممشوق القوام .. شديد الصنان و كثير العرقان يدعى ( إقبال )
    <<< والله يا عليه عرقان لو نصبّها في الربع الخالي اكتست رماله بحقول القمح و الرز !! ..
    Arrow Arrow
    وصل لنا ( إقبال ) بعد ما رفعنا له الكوبري عشان يمر .. جلس يتأمل في الضحية ثمن وقف ربع ساعه موجه كتفه على الشمس بغرض تخزين العرق عقبها فتح يده على مصراعيها وحط وجه ( دغيمان ) في براثن اباطه و سكر عليه بإحكام ثمن جلس يشحن له اللييين تلاشت الصعارير من راسه و رجعت له الحياة ..

    قام ( دغيمان ) يتشكر في المنقذ ويثني على عمله الإنساني النبيل !! .. بعدها طلع صوت إشارة تنبيه من اباط ( إقبال ) يعني البطارية ضعيفة ثمن طفى علينا وطاح !! ...
    جيت عند ( دغيمان ) شرحت له معاناتي وان عندي رغبة اكد على تاكسي !! .. قال لي وهو يفتح الكبوت: والله انا اقول بدال ما تتسلف عشان تشتري تاكسي انا اقترح عليك تشاركني في التاكسي حقي مقابل اني اعطيك ربع الأرباح بس اول خلني اصلح السيارة !! .. قلت له مبتهجاً: يا سلام عليك يا صديقي طول عمرك ذكي وتحسبها صح .. كفك يا احلى صديق !! .. طوووووخ
    <<< الحمار ما زال مصّر يمد يده اللي ماسكه الكبوت .. الظاهر انه اشتاق لأباط ( إقبال ) !!

    بعد ما صلحنا السيارة .. اخذت شناطي لشقة ( دغيمان ) المكونه من غرفه وحده والحمّام داخلها.. اول ما دخلت قمت اتشقلب عالكنبات وانا اقول له: ما قلت لي وش بنسوي بمشروع التاكسي ؟؟ .. سحبني وهو يقول بلكنة المنصح: شف يا شطيط .. عشان تكسب من شغلة التاكسي لازم تكون ثقه عند الزبون .. وإذا تبي تصير ثقه لازم تنسى انك سعودي!! .. رديت عليه وانا اطامر عالسرير قائلاً: يعني ارجع لبناني !! .. بعدها وقفت على طاولة التلفزيون استعداداً لقفزة الدلفين عالكنب .. شوي و يجرّني من رجولي قائلاً بنبرة إستحقار: انت اول ارجع إنسان يالحمار بعدين فكر ترجع لبناني .. انا اقصد انك تتحول لما دون ذلك .. تصير باكستاني عشان يتقبلك الزبون .. تعال معي اوريك !!

    رحنا ل ( إقبال ) واخذنا البنجابي حقه ثمن دهنت شعري بتفال وحطيت فرو خروف على صدري بس قبل كل هذا رميت البنجابي عالأرض وكبيت عليه تراااب عشان اطفّي ريحته الخايسه ثمن كبيت غرشة عطر كامله عليه ولكن دون جدوى !! .. جاني ( دغيمان ) يشجب سواتي ويقول: انت مهبول تحط عطر .. يعنبوك باكستاني وعطر ما تركب .. لازم تكون قذر اكثر من القذارة اللي انت فيها .. لازم اللي يجلس معك يحس انه جالس مع حيوان الضرمبول اللي يمصط الخشم بروائح ذيله الخايسه .. بالعربي لازم تصير وايت صرف صحي يمشي على رجلين !!

    ذبحت قطوتين وحطيتهم تحت اباطي اللييين تخمّرت الريحه واستوطنت في خصلات شعره المخنز !! .. عقبها رحت للغرابي و حطيت نقشات الباكستانيين و لزقة I love Pakistanعالسيارة .. ثمن دعست لسوق المملكة .. وقفت عند البوابه ويطلعون حرمتين لابسين عبايه مخصّره يأشرون لي بدلع وغنج .. ناظرت على يميني واشوف سواق تاكسي سعودي متجه لهم .. ما دريت الا و انا كانس عالبنزين وانطل الموتر عالرصيف بسبقه لدرجة اني كنت بقشع في البنتين من الحماس!! .. الغريب انهم ركبوا معي مع العلم ان السعودي وصل لهم قبلي .. يا ترى هل السبب في وسامتي المفرطة .. ام .. في فحولتي المستبدة ؟؟ <<< والله انا اقول تحذف إجابتين .. وتكتفي بالإجابه الثالثه وهي انهم تتبعوا ريحة صنانك مما انعكس على ثقتهم فيك كونك باكستاني !!

    ركبوا معي وهم سادين فتحات خشومهم بشرّاب العائلة و يرمقوني بنظرات انثوية اليييمه .. مشيت وعيوني مسمّره في المرايه الأمامية اشوف القهقهة والخلاعه واسمع السوالف الخاثرة عن الحب والزواج والتوغل المستميت في أدق تفاصيل الحياة الزوجية وانا فاقن خشتي احاول استوعب جرأتهم شوي واسمع صوت انثوي دافىء يناديني: يا سدييييق !! .. رديت عليها بأسارير انخقاقيه: يا أيوون سديييق

    قالت : سديق انتا فيه زواج ؟؟ .. قلت فاهياً : هاااه !! .. ...........................
    يتبع انزلوووا



    ^_^‘

    [size=24]
    [/size]
    ..
    avatar
    اكــــــــ مجنونه ــبر
    الإدارهـ المجنونهـ
    الإدارهـ المجنونهـ

    انثى عدد الرسائل : 1001
    الموقع : Jeddah}..
    مزاجي كتابياً : وآآ فرح‘ـآنه
    بلادي بلادي :
    مزاجي :
    انا :
    نقاط : 134
    تاريخ التسجيل : 18/04/2008

    رد: قصة شطيط في معترك الحياه

    مُساهمة من طرف اكــــــــ مجنونه ــبر في الأحد فبراير 08, 2009 5:54 pm

    التكمله تفضلوووا....................كروووها ضحك علي ثمن قاموا يسترسلون بالذب على غبائي والطنزة على دباشتي وانا عايش دور العمالة الوافدة ومفهي .. تطور الوضع وصاروا من كثر الضحك يتمغطون ويتمايلون بقوامهم الممتلىء في مشهد أثار غرائز خامده فيني وخلاني اعصب و اصفط على جنب كابحاً جماح شهوتي قائلاً: انزلوا لابو محرماً سمح لكم تطلعون يا حثاالة !! .. شهقت وحده منهم قائله: يممممه سعووودي .. معليش نحسبك باكستاني !! .. قلت بلكنة إستهجان: والباكستاني مهوب رجال مثلنا .. يعنبوكم ذا الباكستاني دمه حاار و منقطع عن زوجته 15 سنه بالقليل .. تعرفون وش معنى منقطع 15 سنه .. يعني لو تمر قدامه ذبانه باضت منه بيض نعام !! .. قلت لهم هالكلام و انا اصبخ بالباب ثمن دعست للمعيقليه تحسباً للوقوع في الرذيله !! ..

    مريت السوق وتأأشر لي عجوز شايله اكياس كثيرة ومعها عيال اكثر من الأغراض اللي شايلتهم .. توني بوقف الا و اشوف عيالها طابين علي من الدريشة وهي تضرب شنطة السيارة ورا يعني افتح .. انا ما رفع ضغطي الا ولدها الصغير اللي راكب جنبي .. من مشيت وهو كل شوي يطمر عالدركسون ويضرب بوري .. اوخر يده عن الدركسون يضغط فليشر .. اشيل يده عن الفليشر يشغّل المسّاحات .. اوخره عن الطبلون يمسك الجرنط .. يلعن ام البثاااارة يا ناااس اوووو !!

    رجّعته ورا .. والمح ولدها الثاني مطلّع راسه من الدريشة يتفّل عالسيارات .. توني بسكر على راسه الدريشة الا وتجي تفله على قزازة دورية ورانا ... على طوول كبس لي العسكري عشان اوقف .. نزلت واشوفه مشغّل المسّاحات وماد لي المخالفة من الدريشة .. رجعت للسيارة بالمخالفه و كملت مشواري بعد ما تأكدت من إغلاق جميع الدرايش !! ..

    وحنا في الطريق طمر عندي ولدها يسأل: صديق ايش اسم انتا ؟ .. قلت له: إقبال مشرف !! .. قال لي ساخراً: مشرف ولا مراقب عام خخخخخخخخخ Cool !! .. توني بلعن جدفه الا و تنزره امه صارخه: ( دحيم ) خلك عاقل !! .. بيني وبينكم رحمت هالعجيز المسكينه على هالبلوه اللي عندها وكملت طريقي وانا اتعوذ من الشيطان .. وقفت عند إشارة واشوف جنبي لكزس داخلها بنت حسناء طاقه اللثمه خلتني اتنفس الصعداء واقول بصوت هائم: أأأأأأه يا روحي !! .. ويخش في خشتي ( دحيم ) قائلاً: روحي ولا تعالي خخخخخخخخخ Cool !! .. شديت بيدي عالدركسون ماسك اعصابي للمره الثانيه عشان هالعجيز المسكينه..

    وبينما انا منهمك في القيادة سمعت صوت طقطقه تحتي .. ما امداني اتطقس الحدث الا وانا متمدد مع المرتبه و راسي على سج العجوز اللي وراي و رجلي كانسه عالبنزين من اللخمه .. هج علي الموتر وقمت احوس في الدايري اللييين شمّعت في لوحة ( مأذون أنكحه ) .. نزلت من السيارة معصب على هالثور اللي سدح مرتبتي .. وافتح باب العجوز قائلاً بعصبية: انزلي انتي وعيالتس بسرعه قبل لا اطلّّع عليكم الشياطين اللي فيني !!.. ويطمر ( دحيم ) قائلاً: فيني ولا ياباني خخخخخخخخخخ !! .. لا شعورياً قضبته مع رقبته وامحط بخشته عالدركسون وانا اردد: يا المااااصل .. يا ثقيل الطينه !! .. جلست امحط بخشته وامحط اللييين طلع الإرباغ من الدركسون <<< لا يطلع لي ذهين منكم و يقول لي الكرسيدا ما فيها إرباغ .. تراني معصب هاه !!

    رميتهم عالرصيف و كملت دوران في الشوارع وانا مستاء ايما إستياء من وضعي .. اجل اوصّل عجوز ب 10 ريال واتوهق بمخالفة 300 ريال .. اين المنطق ؟؟ .. اين العدل ؟؟ .. اين الحق ؟؟ .. اين الإنصاف ؟؟ .. اين الحمام حسراااان ؟؟ <<< برب بدخل حمامات مسجد وارجع لكم!! ..

    بااااااااك ..

    وش كنا نقول ؟؟ .. ايووة .. اين الإنصاف ؟؟ <<< انصاف مين يالمروح اوووو .. رح اول اسحب السيفون الله يخيسك !!

    ركبت الموتر متجه ل ( دغيمان ) .. اول ما وصلت استقبلني وهو مشمّر عن ذراعيه ويقول لي: هلا بالطش والرش .. هلا بصديقي الكادح .. هلا باللي غاب و رجع بالغنايم !! .. حطيت يدي في جيبي وهو يتتبعها بنظرات الفرح .. جلست احبرش في جيبي و الأخ لا زال يناظر وهو يفرّك يديه ويلعب بلسانه استعداداً لإستقبال الولائم !! .. مد لي يده بيستلم المقسوم واسلّمه المخالفه ثمن رحت انوم !!

    قمت من النوم والقاه ماسك المخالفه بيد وبيالة شاهي باليد الثانيه وهو يناظر فيني ويقول بغضب: هالحين انا معطيك التاكسي عشان تطلّع منه فلوس تقوم تطلّع عليه مخالفات !! .. اخذت بيالة الشاهي منه وحطيت رجل على رجل قائلاً : لا و ازيدك من البيت حمام .. ما اخذت ولا ريال من اللي وصلتهم !! .. بعدها حاولت أتفادى ردة فعله الهلاميه مستدركاً: اقول اتركنا من اللي راح وخلنا في اللي جاي .. شلون بنسدد المخالفة !! .. ناظرني بنظرة المغتث وقال: من وين طلعت لي يا وجه النحس .. عموماً لازم نلقى حل وبأسرع وقت .. فكر معي بطريقه جهنمية .. فكر معي بطريقه ما تخلينا ندفع ولا ريال .. فك.. شطيط .. قم .. شطيييييييييييط !!

    قمت من الغيبوبة و القى ( دغيمان ) يصيح جنبي ويقول: سلامات يا صديقي .. وش اللي صار لك؟ .. قلت له: ابد بس انا إذا فكرت يغمى علي .. كم الساعه هالحين ؟؟ .. رد علي وهو يمسح دموعه: الساعه 6 المغرب !! .. قلت له: اجل بروح اكد عالتاكسي كود نعوض اللي خسرناه .. بس بغيت منك 60 ريال عشان اغير زيت للسيارة وإنشاء الله برجعها لك اضعاف اليوم !! ..

    اخذت الفلوس و رحت ادور في ربوع الشميسي تحديداً في شارع محلات الحلاقة القذرة.. ويستوقفني خال وجهه كله خدود وخنافر .. ركب و طلب مني اوصله للمطار .. مسكنا طريق المطار و تكبس لي دورية وراي .. وقفت وسألت العسكري عن المشكلة .. قال اني مضلل اسود كاتم على دريشة الراكب !! .. حاولت اشرح له ان هذي خدود الخال منكبه عالقزاز ما صدق .. اخذته للدريشة عشان يتأكد .. رد علي بذهانه: اشوا انك قشعت التضليله اول ما شفتني .. استلم المخالفة ولا يكثر هرجك بس يالنصاب !! .. كملت طريقي للمطار وفجأه انحجبت الرؤية عن القزازة الأمامية اللي اكتست بالضباب الكثيف .. ناظرت على يميني واشوف بخار يطلع من خنافر الخال .. بعدها صرت امسح القزازة مع كل عملية زفير يتنفسها عشان ما انصك بمخالفة تضليل ثانيه !! ..

    اول ما وصلنا قلت له: جيب 50 ريال !! .. ما وعيت الا وانا ناشب في فتحة خشمه و بوابة المطار ماشية الف وراي من قوة الشفط !! .. على طووول تنازلت له عن حق التوصيله و فوق هذا عطيته ال 60 ريال حقت الزيت وعليها حبة راس الليين نزل وهو راضي!! .. جيت برجع واتفاجىء بصوت نشقه قوية عند مدخل الصالة .. التفت لمصدر الصوت و اشوف لوحة ( المغادرون ) ناشبه في خنافر الخال من هووول النشقه !!

    شديت الرحال للثمامة والمح ثنين سكارى يأأشرون لي وهم يترنحون من أثر الشرب !! .. جيت بجحدهم بس حالتي الماديه المزرية منعتني !! .. وقفت لهم انتظرهم يركبون ولا ركبوا .. نزلت بشوف وش عندهم والقاهم يحومون حولين بعضهم وكل واحد ينادي عالثاني اثرهم مضيعين بعض الله يكملنا بعقولنا بس !! .. اخذتهم للسيارة وهم يحذفون يمين و يسار في مشيتهم .. أول ما ركبوا قاموا يسلمون على بعض بنبرة موسيقية: اس .. اس .. مساء الخير !!

    توني بحرّك الا و ينخررش اللي جنبي و يتلفت وراه وهو يصارخ: تغطوا تغطوا .. وانتي نزّلي نقابتس اجعلتس منيب قايل !! .. ناظرت وراي ثمن قلت له: ما فيه بنات !! .. قال: الا فيه !! .. قلت: مين !! .. قال: بنات أفكاري !! <<< ياشين المصالة عالفقده !!

    مشيت طول الطريق وانا مستحمل خنبقة ذا السكارى .. فجأه قابلتني نقطة تفتيش وانا اللي يطيح قلبي في رجلي خايف لا يدرون عن هالسكارى .. وقفت عند التفتيش وطلب مني الرخصه والإستمارة .. توني بطلّعها الا و اسمع السكران اللي جنبي يقول لخويه بصوت عالي: شف كرشة ذا العسكري شلون حاكه في الباب من كبرها .. ناقص يحط لها مدرجات وتصير حلبة ثيران هههههههههههه !! .. عقبها قاموا يكروونها ضحك عليه و انا اللي يصفّر وجهي من الذراقه بعد ما شفت العسكري يناظر بحقد و يقول: وش قلت ؟؟ .. قال السكران الثاني وهو فاطس ضحك: لا وشادّها بحزام بعد .. على هالكرشه المفروض يشدّها بشبك طريق الحجاز ههههههههههههه !! ..

    تسدحوا الثنين من الضحك وقاموا يذبون عليه ويذبون اللييييين طنقرت اخلاق العسكري وقال غاضباً: انزلوا يا ملاعين الصير !! ..هو قال انزلوا يا ملاعين الصير وانا اللي ادز من الخوف و الدوريات تطرد وراي على رأسها خوينا العسكري .. كيمت الطبلون وقمت ازورق من بين السيارات وادخل من شارع لشارع و من حاره لحاره ومن زقاق ل.. دووووووف

    فتّحت عيوني واشوف اجهزة و اسلاك و مغذي فوق راسي و ممرضات داخلين طالعين علي ..حاولت اتحرك ما قدرت من الجبس اللي ميبس كل جسمي .. وش ذا ؟؟ .. ويني فيه ؟؟ <<< سؤال يعكس غباء السائل وليس غيبوبته !!
    جاوبني ( دغيمان ) وهو يصيح جنبي: انت في المستشفى هالحين !! .. التفت عليه واسأله بلهفه: وش اللي جابني هنا .. وش اللي صار !! .. رد علي بحزن عميق: امس لقوك المرور داخل في جدار مدرسة بكل شناعه !! .. قاطعته: ايه ايه صح .. حتى اذكر اني نزلت من السيارة بعد الحادث بس المشكله اني ما اذكر شي بعدها !! .. رجف الجبس غاضباً: خلني اكمل ولعنه .. يقولون انك بعد ما نزلت من السيارة طاحت عليك لوحة المدرسة طيحه الييييمه لدرجة ان الممرضات غسلوا جبهتك بفلاش وتنر عشان يمسحون شعار الوزارة واسم المدرسة منها !! .. بعدها سكت وقام يصيح !! .. قلت له بنبرة حنان: تصيح يا دغيمان .. لهالدرجه انا عزيز عليك .. صدقني يا غالي ما راح انسى لك كل دمعه ذرفتها عشاني !! .. رد علي وهو يمسح دموعه: ومن قال اني اصيح عشانك .. انا اصيح عشان سيارتي اللي انطعجت وما بقى منها الا مفتاحها !!

    قلت له: ايه صح على طاري السيارة .. خذ اللي في جيبي بسرعه !! .. حط يده في جيبي وهو يقول: وش ذا ؟ .. رديت عليه ضاحكاً: هذي مخالفه تضليل سددها لا هنت !! .. قطع العسكري غضب ( دغيمان ) قائلاً لي : الدكتور بلّغني ان حالتك مستقرة وانه بيفك لك الجبس اليوم يعني إنشاء الله بتطلع وما عليك الا العافيه !! .. رديت عليه مستانساً: الله يبشرك بالخير.. صدق لا قالوا ما فيه احسن من الحرية !! .. قاطعني بإبتسامه خبيثه: انا اقصد بتطلع للسجن يا حلو !! <<< يا فرحه ما تمت !!

    بعد ما فكيت الجبس اخذني العسكري للتوقيف واشوف هناك السكارى اللي كانوا معي .. سألت العسكري عنهم قال: بعد ما جينا لموقع الحادث ما لقينا الا انت .. دورنا عليهم ولقيناهم يسكرون مع حارس المدرسة في غرفته !!

    وبعد ثلاث أيام من عناء التوقيف طلعت براءة عقب ما اثبت تحليل الدم اني ما كنت اشرب !! .. رحت اخذ شناطي من شقة ( دغيمان ) ويوافيني عند الباب قائلاً: كفااااره يا معلم .. الحمد الله عالسلامه .. وراك شايل شناطك وين بتروح له ؟ .. رديت عليه بحزن: برجع لبيت أبوي واعتذر له .. احس اني غلطت بحقه و كنت اناني معه لما رفضت زواجه !! .. قال: عين العقل يا شطيط .. ترى بر الوالدين مهم و لازم تطيع ابوك وتكون جنبه طوول الوقت خصوصاً ان الأب مدرسة إذا أعددته ** أعددت عرقاً طيب الأشعابي !!

    ودعنا بعضنا بدموع غزيرة تخللتها أحضان دافئة .. بعدها نظرت له بنظرات حميمه هامساً بكلماتي الأخيرة: حتوحشني يا صاحبي !! .. ما وعيت الا و هو يركض للحمام ويسكر على نفسه وهو يصارخ بأعلى صوته: خلاااص مش أأأدر استحمل .. ليه يا ربي تعمل فينا كده .. ليه تفرئنا عن بعض .. لييييييه !! .. طلعت من العمارة وانا حابس الدمعه .. توني بوقف باص ابو ريالين الا واسمع اصوات أغاني و رقص تردح في شقة ( دغيمان ) .. يعنبو ذا الهيس ما صدق على الله اني طلعت !!

    وصلت بيتنا والقى ابوي جالس في الصاله .. حبيت راسه واعتذرت له وباركت له على زواجه .. رد علي بكل إنشراح: الله يبارك فيك يا ولدي .. فعلاً اثبت لي انك ولد بار .. منور البيت وانا ابوك !! .. جلسنا نسولف ونضحك عقبها شلت الشناط بوديها لغرفتي وانا اقول بفرحه غامره: الله يطول في عمرك ولا يحرمني منك يا الغالي .. ترى اهم شي رضاك علي !! .. فجأه قاطعني صوت مألوف قائلاً: علي ولا محمد خخخخخخخخخ !!!! .. مين ؟؟ .. ( دحيم ) !!! .. وش جابه هنا ؟؟ .. وش يبي ؟؟ ..

    رد ابوي على تساؤلاتي الباطنه وهو يحط (دحيم) على سجه ويقبص خدوده قائلاً: هذا اخوك يا شطيط .. وش رايك فيه بالله .. مملوح صح .. يا ملحه ويا ملح خفة دمه !! .. فجأه صرخ ( دحيم ) متألم من قبصات الوالد اللي شدت الألم على ورمات وجهه !! .. عقبها حط الوالد يده عالورمات وهو يقول بعصبيه: أأأه بس لو اعرف من سواق التاكسي الحمار اللي ضرب ولدي هالضرب الوحشي !! ..

    هو قال الحمار وانا اللي يوقف قلبي واترقب نظرات ( دحيم ) لي وهو يحاول يتذكرني .. فجأه طمر من مكانه و هو يأأشر علي ويقول بصوت عااالي: هذا اللي ضربني يا يبه هذا هو !! .. انقلب وجه الوالد وينفلت علي غاضباً: أأأه يالتسلب الأجرب .. طلعت انت اللي ضارب اخوك يا قليل مخافة الله .. وانا اقول وش عندك راجع تتأسف .. اثرك راجع ناوي الشر لأخوانك يالتسذوب .. لكن شرهتك عاللي بيسكنك عنده ولا بيخليك تشد ريال واحد .. يلا خذ شناطك و اذلف برا بيتي ولا ابغى اشوف رقعة خشتك إلى يوم الدين .. براااااا !!

    حاولت اشرح له الموقف ما رضى يسمع .. حاولت اوضح له ويتلّني مع رقبتي ويطردني برا البيت .. رحت ل ( دغيمان ) والقاه مسوي حفله في الشقه ويتبادل قرقعه كيسان الجبن مع الحضور والأغاني والرقص ما زالت تردح.. اول ما شافني طاح الكاس من يده وبدت ملامح الحزن والغلقه على وجهه وهو يقول بصوت مبحوح: وش جابك ؟ .. رديت عليه وانا اطامر عالسرير قائلاً: ابد .. الوالد طردني .. قلت مالي الا الله ثم خويي ( دغيمان ) يسكّني ويشغلني معه !! .. سحبني وهو يقول لي بصوت ثائر: اي بس التاكسي اللي كنا نشتغل عليه اندمر .. وما عاد عندي شغله ثانيه !! .. رديت عليه بنبرة الحكيم: على كذا اجل لازم ندور لنا على شغله وبأسرع وقت !! قال: انا اللي علي سويته .. هالحين انت اللي فكر لنا بشغله ثانيه .. فكر بشغله مربحه .. فكر بشغ .. شطييييط .. قم .. شطيييييييييييط !!



    Arrow
    مخــــرج:_
    وبعد الدقيقتين كفين
    كف عشان تصحين
    وكف عشان تخافين<<<<قلنا يا بنت الحلال الفلفسه مو لك..



    ^_^‘

    [size=24]
    [/size]
    ..
    avatar
    اكــــــــ مجنونه ــبر
    الإدارهـ المجنونهـ
    الإدارهـ المجنونهـ

    انثى عدد الرسائل : 1001
    الموقع : Jeddah}..
    مزاجي كتابياً : وآآ فرح‘ـآنه
    بلادي بلادي :
    مزاجي :
    انا :
    نقاط : 134
    تاريخ التسجيل : 18/04/2008

    رد: قصة شطيط في معترك الحياه

    مُساهمة من طرف اكــــــــ مجنونه ــبر في الأحد فبراير 08, 2009 6:00 pm

    اعرف القصه طويله بس ونسه



    ^_^‘

    [size=24]
    [/size]
    ..
    avatar
    اعقل مجنونه
    الإدارهـ المجنونهـ
    الإدارهـ المجنونهـ

    انثى عدد الرسائل : 1117
    الموقع : K.S.A
    عملكـِ او مستواكـِ الدراسي : الدكتورااه...
    مزاجي كتابياً : فلـه
    نقآط الترشيح : 105
    بلادي بلادي :
    مزاجي :
    انا :
    نقاط : 104
    تاريخ التسجيل : 19/04/2008

    رد: قصة شطيط في معترك الحياه

    مُساهمة من طرف اعقل مجنونه في الأحد فبراير 08, 2009 11:16 pm

    خخخخخخخخخخخخخخخخخخخخخ
    تجنن يسلمووووو
    هههههههههههههههههههههههه



    avatar
    minako
    ||مـًلِكة الأنِمًي||
    ||مـًلِكة الأنِمًي||

    انثى عدد الرسائل : 1595
    العمر : 23
    نقآط الترشيح : 50
    بلادي بلادي :
    مزاجي :
    انا :
    نقاط : 86
    تاريخ التسجيل : 19/04/2008

    رد: قصة شطيط في معترك الحياه

    مُساهمة من طرف minako في الإثنين فبراير 09, 2009 2:12 am

    ههههههههه فعلا تجنن مشكورة جدا




    :signture






    I will wait for you...no matter what i have to do
    avatar
    اكــــــــ مجنونه ــبر
    الإدارهـ المجنونهـ
    الإدارهـ المجنونهـ

    انثى عدد الرسائل : 1001
    الموقع : Jeddah}..
    مزاجي كتابياً : وآآ فرح‘ـآنه
    بلادي بلادي :
    مزاجي :
    انا :
    نقاط : 134
    تاريخ التسجيل : 18/04/2008

    رد: قصة شطيط في معترك الحياه

    مُساهمة من طرف اكــــــــ مجنونه ــبر في الإثنين فبراير 09, 2009 6:23 am


    فراشهفراشهفراشه
    عــــــــــفوا
    تسلموو عـ المرور
    بس انا متأكده ما في ولا وحده منكم قرتها كآآمله <<<<يعني انتي قريتيها كامله!!!مدري؟؟

    فراشه فراشهفراشه



    ^_^‘

    [size=24]
    [/size]
    ..
    avatar
    اعقل مجنونه
    الإدارهـ المجنونهـ
    الإدارهـ المجنونهـ

    انثى عدد الرسائل : 1117
    الموقع : K.S.A
    عملكـِ او مستواكـِ الدراسي : الدكتورااه...
    مزاجي كتابياً : فلـه
    نقآط الترشيح : 105
    بلادي بلادي :
    مزاجي :
    انا :
    نقاط : 104
    تاريخ التسجيل : 19/04/2008

    رد: قصة شطيط في معترك الحياه

    مُساهمة من طرف اعقل مجنونه في الإثنين فبراير 09, 2009 9:47 pm

    لا والله انا فعلا قريتها كامله <><><><>...



    avatar
    minako
    ||مـًلِكة الأنِمًي||
    ||مـًلِكة الأنِمًي||

    انثى عدد الرسائل : 1595
    العمر : 23
    نقآط الترشيح : 50
    بلادي بلادي :
    مزاجي :
    انا :
    نقاط : 86
    تاريخ التسجيل : 19/04/2008

    رد: قصة شطيط في معترك الحياه

    مُساهمة من طرف minako في الثلاثاء فبراير 10, 2009 12:40 am

    وانا ايضا قريتها كامله 




    :signture






    I will wait for you...no matter what i have to do
    avatar
    جوليا
    مجنونه مسكته

    انثى عدد الرسائل : 1617
    عملكـِ او مستواكـِ الدراسي : تقدرين تقولين معلمه
    مزاجي كتابياً : متوكله على الله
    نقآط الترشيح : 20
    بلادي بلادي :
    مزاجي :
    انا :
    نقاط : 152
    تاريخ التسجيل : 27/08/2008

    رد: قصة شطيط في معترك الحياه

    مُساهمة من طرف جوليا في الثلاثاء فبراير 10, 2009 3:51 am

    .3. خخخخخخخخخخخخخ ههههههههه حلوه يعطيك العافيه



    avatar
    سكر نبات وأحلى البنات
    مجنونه مسكته

    انثى عدد الرسائل : 1053
    العمر : 25
    الموقع : سكر
    عملكـِ او مستواكـِ الدراسي : الجامعة
    مزاجي كتابياً : مـــــبــــــــــســــــــــوطــــــــــ كتير ـــــة
    نقآط الترشيح : 60
    بلادي بلادي :
    مزاجي :
    انا :
    نقاط : 108
    تاريخ التسجيل : 12/09/2008

    رد: قصة شطيط في معترك الحياه

    مُساهمة من طرف سكر نبات وأحلى البنات في الأربعاء فبراير 11, 2009 6:00 pm

    كتييييير حلوة
    avatar
    LOoLOo
    رائعهـ ..
    رائعهـ ..

    انثى عدد الرسائل : 137
    الموقع : بيتنا
    عملكـِ او مستواكـِ الدراسي : ادرس في المدرسة
    مزاجي كتابياً : مااااشـــــي
    نقآط الترشيح : 20
    بلادي بلادي :
    مزاجي :
    انا :
    نقاط : 4
    تاريخ التسجيل : 22/04/2008

    رد: قصة شطيط في معترك الحياه

    مُساهمة من طرف LOoLOo في الثلاثاء فبراير 17, 2009 9:14 pm

    ههههههههههههههههههههههههههه
    تسلمي ياقلبي قصة مررررررررررة جنننننناااااااااااااااان

    وان قريتها للنهاية

    يديكي العافية وماننحرم منك
    avatar
    اكــــــــ مجنونه ــبر
    الإدارهـ المجنونهـ
    الإدارهـ المجنونهـ

    انثى عدد الرسائل : 1001
    الموقع : Jeddah}..
    مزاجي كتابياً : وآآ فرح‘ـآنه
    بلادي بلادي :
    مزاجي :
    انا :
    نقاط : 134
    تاريخ التسجيل : 18/04/2008

    رد: قصة شطيط في معترك الحياه

    مُساهمة من طرف اكــــــــ مجنونه ــبر في الأربعاء فبراير 18, 2009 10:22 am

    تسلموو عـ المرور الرووعه



    ^_^‘

    [size=24]
    [/size]
    ..
    avatar
    سكر نبات وأحلى البنات
    مجنونه مسكته

    انثى عدد الرسائل : 1053
    العمر : 25
    الموقع : سكر
    عملكـِ او مستواكـِ الدراسي : الجامعة
    مزاجي كتابياً : مـــــبــــــــــســــــــــوطــــــــــ كتير ـــــة
    نقآط الترشيح : 60
    بلادي بلادي :
    مزاجي :
    انا :
    نقاط : 108
    تاريخ التسجيل : 12/09/2008

    رد: قصة شطيط في معترك الحياه

    مُساهمة من طرف سكر نبات وأحلى البنات في الخميس فبراير 19, 2009 5:27 am

    العفو
    avatar
    اعقل مجنونه
    الإدارهـ المجنونهـ
    الإدارهـ المجنونهـ

    انثى عدد الرسائل : 1117
    الموقع : K.S.A
    عملكـِ او مستواكـِ الدراسي : الدكتورااه...
    مزاجي كتابياً : فلـه
    نقآط الترشيح : 105
    بلادي بلادي :
    مزاجي :
    انا :
    نقاط : 104
    تاريخ التسجيل : 19/04/2008

    رد: قصة شطيط في معترك الحياه

    مُساهمة من طرف اعقل مجنونه في الخميس فبراير 19, 2009 11:18 pm

    اكيد هذا واجبنا



    avatar
    سكر نبات وأحلى البنات
    مجنونه مسكته

    انثى عدد الرسائل : 1053
    العمر : 25
    الموقع : سكر
    عملكـِ او مستواكـِ الدراسي : الجامعة
    مزاجي كتابياً : مـــــبــــــــــســــــــــوطــــــــــ كتير ـــــة
    نقآط الترشيح : 60
    بلادي بلادي :
    مزاجي :
    انا :
    نقاط : 108
    تاريخ التسجيل : 12/09/2008

    رد: قصة شطيط في معترك الحياه

    مُساهمة من طرف سكر نبات وأحلى البنات في السبت فبراير 21, 2009 6:14 am

    صح هاي واجبنا
    avatar
    اكــــــــ مجنونه ــبر
    الإدارهـ المجنونهـ
    الإدارهـ المجنونهـ

    انثى عدد الرسائل : 1001
    الموقع : Jeddah}..
    مزاجي كتابياً : وآآ فرح‘ـآنه
    بلادي بلادي :
    مزاجي :
    انا :
    نقاط : 134
    تاريخ التسجيل : 18/04/2008

    رد: قصة شطيط في معترك الحياه

    مُساهمة من طرف اكــــــــ مجنونه ــبر في الأربعاء فبراير 25, 2009 10:26 am

    يسلمووو يا حلوآآت



    ^_^‘

    [size=24]
    [/size]
    ..
    avatar
    سكر نبات وأحلى البنات
    مجنونه مسكته

    انثى عدد الرسائل : 1053
    العمر : 25
    الموقع : سكر
    عملكـِ او مستواكـِ الدراسي : الجامعة
    مزاجي كتابياً : مـــــبــــــــــســــــــــوطــــــــــ كتير ـــــة
    نقآط الترشيح : 60
    بلادي بلادي :
    مزاجي :
    انا :
    نقاط : 108
    تاريخ التسجيل : 12/09/2008

    رد: قصة شطيط في معترك الحياه

    مُساهمة من طرف سكر نبات وأحلى البنات في الثلاثاء مارس 24, 2009 1:49 am

    الله يسلمك
    avatar
    اكــــــــ مجنونه ــبر
    الإدارهـ المجنونهـ
    الإدارهـ المجنونهـ

    انثى عدد الرسائل : 1001
    الموقع : Jeddah}..
    مزاجي كتابياً : وآآ فرح‘ـآنه
    بلادي بلادي :
    مزاجي :
    انا :
    نقاط : 134
    تاريخ التسجيل : 18/04/2008

    رد: قصة شطيط في معترك الحياه

    مُساهمة من طرف اكــــــــ مجنونه ــبر في الجمعة مارس 27, 2009 11:52 pm

    شكرا..



    ^_^‘

    [size=24]
    [/size]
    ..

      الوقت/التاريخ الآن هو الإثنين فبراير 19, 2018 6:22 am